Archive

Archive for the ‘அறிமுகம்’ Category

விரைவில்

ரொம்ப நாள் ஆகி விட்டது.

வரிசையாக இல்லாவிட்டாலும் கொஞ்சம் Random பதிவுகளில் எழுதலாம் என்று இருக்கிறேன் .

Advertisements

தமிழில் Photography

கொஞ்ச நாளா கேமிரா வாங்கனும்னு ஒரு எண்ணம் . நம்ம Level க்குத் தகுந்த மாதிரி Compact கேமிரா தான் என்றாலும் , சம்பந்தப் பட்டவர்களிடம் விசாரித்தது போக , இணையத்தில் தேடிய போது இந்த அற்புதமான தளம் கிடைத்தது .

தமிழில் இது ஒரு வரம் தான் . கொஞ்சம் நேரம் ஒதுக்கி இவர்களின் 2007 – 2008 வருட பதிவுகளைப் பார்த்தால் , Professional களுக்கே நிறைய ஐடியா கிடைக்கும் . 

 

பெருந்தலைவர்

பெருந்தலைவர் காமராஜரின் 106-வது பிறந்த நாள்  (ஜூலை 15-ம் தேதி) கல்வி வளர்ச்சி நாளாக அனைத்து பள்ளிகள் மற்றும் கல்வி நிலையங்களில் கொண்டாடப்பட்டது .

கர்மவீரர் காமராஜர் அவர்களைப் பற்றிய அரிய பல தகவல்களையும் , புகைப்படங்களையும் கொண்ட இந்த இரண்டு இணைய தளங்களை அனைவரும் காண வேண்டும் என்று விரும்புகிறேன் .
http://kamarajar.blogspot.in/

http://kamaraj101.blogspot.in/

ஒரிசா – பயண நினைவுகள் – 2

அப்போது என்னிடம் கேமிரா இல்லை . அதனால் படங்களை ஏற்ற வாய்ப்பில்லை . ஆனாலும் கோனார்க்கில் எடுத்த சில புகைப்படங்களின் பிரிண்டுகள் உள்ளன ,  ஸ்கேன் செய்து வலை ஏற்றுகிறேன்.

 
புவனேஸ்வர் ஒரிசாவின் தலை நகரம். எப்படி கும்பகோணத்தை தமிழகத்தின் கோவில் நகரம் என்கிறோமோ , அதே போல இந்தியாவின் கோவில் நகரம் புவனேஸ்வர் . ஹோட்டல் கனிஷ்க் என்ற சின்ன ஹோட்டலில் தங்கினோம் . ரயில்வே ஸ்டேசன் நடந்து போகும் தூரத்தில் தான். புவனேஸ்வரில் நல்ல தென்னக உணவு வேண்டுவோர் வீனஸ் ஹோட்டலில் தங்கலாம்.  

ஸ்டேசனுக்கு எதிரே உள்ள மாஸ்டர் கான்டீன் சவுக்கில்  இருந்து இடது பக்கம் பிரிந்தால் கொஞ்ச தூரத்தில் ராஜ் மஹால் சவுக் வரும் .  ராஜ் மஹால் சவுக்கில் இருந்து வலது பக்கம் திரும்பி நடந்தால் ” வீனஸ் இன் ” தெரு ,  ரோட்டை கடந்தால் வரும் . அதிக விவரங்களுக்கு கூகிள் மேப்பை பார்க்கவும். ( சவுக் என்றால் நாற்சந்தி , மோர் என்றால் முச்சந்தி அல்லது விலக்கு என்பார்கள் ).  

தெருவின் ஆரம்பத்திலேயே ஒரு ஹோட்டல் வரும் , அது பேரும் வீனஸ் தான் என்று நினைக்கிறேன் , அங்கேயும் உணவுகள் நன்றாகவே இருக்கும். கொஞ்சம் தூரத்தில் தங்கும் வசதிகளோடு பெரிய வீனஸ் இன் ஹோட்டல் இருக்கும் . கொஞ்சம் காஸ்ட்லி தான் என்றாலும் ஏமாற்றம் இருக்காது. எதுக்கு இவ்வளவு விலாவரி என்றால் , முதன்முதலில் நாங்கள் தான் ரொம்ப கஷ்டப்போட்டோம் . இனிமேல் போகிறவர்கள் சிரமப்படவேண்டாமே என்றுதான்.

புவனேஸ்வர் , பூரி , கோனார்க் இந்த மூன்று இடங்களையும் நன்றாக சுற்றிப்பார்க்க நான்கு , ஐந்து நாட்கள் வேண்டும் . புவனேஸ்வர் மட்டுமே ஒருவாரத்திற்கு உங்களை நகரவிடாது என்றாலும் , இப்போதைய சூழலில் நீங்கள் நிறைய இடங்களை கவர் செய்ய நினைத்தால் குறைந்தது ஒருவாரமாவது மேலே சொன்ன மூன்று இடங்களுக்கு ஒதுக்குங்கள்.  

ஒரிசா – பயண நினைவுகள் – 1

இவ்வளவு நாள் எதையும் எழுதாமல் இருந்ததற்கு அநியாய சோம்பேறித்தனம் தவிர வேறு எந்தக் காரணமும் இல்லை. நம்ம என்ன நினைக்கிறோமோ அது அப்படியே ஸ்க்ரீனில் டைப் ஆகிவிட்டால் எவ்வளவு நன்றாக இருக்கும் ?! .

சும்மா அலைதலும் அலைதல் சார் வாழ்க்கையும் என்று கேப்ஷன் போட்டுவிட்டு ஒரு பயணம் பற்றியும் எழுதியது கிடையாது . அதனால் நான் ஏற்கனவே போன இடங்களைப் பற்றி எழுதப்போகிறேன் . இரண்டு ஆண்டுகளுக்குப் பின் எனக்கு அந்தப் பயணத்தில் என்ன ஞாபகம் இருக்கிறது என்பதை நானே தெரிந்து கொள்ளும் முயற்சி தான் இது . பார்ப்போமே ?

பள்ளி நாட்களில் என் அப்பா என்னை எந்த டூருக்கும் அனுப்ப மாட்டார் . பசங்க கஞ்சப்பய என்று கேலி பேசினாலும் கேட்காத மாதிரி இருந்துகொள்வேன். உண்மையில் எங்கப்பா பணம் காரணமாக அல்ல , தனியாக அனுப்ப பயந்து தான் எங்களை விடவில்லை . சேர்த்து வைத்து இப்போது சுற்றிக் கொண்டிருக்கிறேன் . வேலையே சுற்றுவதுதான் .

சிதார் வெசல்சில் வேலைக்கு சேர்ந்த இரண்டாவது மாதமே என்னை ஒரிசாவிற்கு அனுப்பினார்கள் . எவ்வளவு சந்தோசமாக அந்த செய்தியை நீதி மாணிக்கம் சாரிடம் , கம்பனிக்கு எதிரே உள்ள பேக்கரியின் முன்னே இருந்த ஒரு ரூபாய் காயின் பூத்தில் இருந்து போன் செய்து சொன்னேன் என்று நினைவிருக்கிறது . ” ரொம்ப சந்தோசம் , ஒரிசா மக்கள் ரொம்ப அன்பானவங்க , நல்லா பார்த்துட்டு வா ” என்று நம்பிக்கை ஊட்டினார் . அப்போது மொபைல் வாங்கியிருக்கவில்லை . டூர் கிளம்புவதற்கு முந்திய நாள் தான்  வாங்கினேன் . Nokia 1100i  , இப்போது அப்பா வைத்திருக்கிறார்.

வேலை என்ன ? வெல்டர்,  பிட்டர்  வேலைக்கு ஐ டி ஐ முடித்த பையன்களை நேர்முகத்தேர்வு நடத்தி , திருச்சிக்கு கூட்டி வருவது .

நான் , HR பிரிவில் இருந்து மகபூப் பாஷா , பரூக் , காண்டிராக்ட் மேனஜ்மேண்டில் இருந்து பெலிக்ஸ்  என்று நான்கு பேர் , திருச்சி ஹவுரா எக்ஸ்பிரசில் ஏறினோம் . புவனேஸ்வரில் இறங்க வேண்டும்.
 

 

ரயில் பயணங்களில்

ரயில் பயணங்களைத் திட்டமிட நான் மூன்று வெப்சைட்டுகளை பயன்படுத்துகிறேன் ,

www.irctc.co.in

www.erail.in

www.indianrail.gov.in

 ஒவ்வொன்றும் தனித்துவமானவை அதேசமயம் எல்லாவிவரங்களையும் தராதவை .

சில நேரங்களில் ரயில் பயணங்களில் சில வசதிகளை மனம் எதிர்பார்க்கும் .

1 . நான் மொட்டையாக சென்னை to  மும்பை , வருகிற திங்கட்கிழமை என்று மட்டும் கொடுத்தால் எனக்கு ரயில்களின் பட்டியல் வர வேண்டும்.

2 . ஒரே ரயில் இல்லையென்றால் இணைப்பு ரயில் பற்றிய விவரம் வேண்டும் . அது என்னுடைய முதல் ரயிலின் நேரத்திற்கு ஒத்து வர வேண்டும்.

3 . ரயிலில் போய் விமானம் பிடிக்க , அல்லது விமானத்தில் போய் ரயிலைப் பிடிக்க ஒரே பக்கத்தில் விவரம் வேண்டும்.

மேலே சொன்ன எல்லா விவரங்களும் இந்த வெப்சைட் இல் கிடைக்கின்றன.

இதை வைத்து திட்டமிட்டு , பின்னர் சம்பந்தப்பட்ட இணைய தளத்திற்கு போய் முன்பதிவு செய்து கொள்ளலாம் .

வாடகை நூலகங்கள்

என்னுடைய வாசிப்பு பற்றி பிறகு சொல்கிறேன். சிலாகித்துக்கொள்ளும் அளவுக்கு நீண்ட பின்புலம் கிடையாது. உலக இலக்கியங்களெல்லாம் இனிமேல் தான் வாசிக்க வேண்டும்.

சில தற்செயல் சம்பவங்களை நினைவு கூர்கிறேன்.

நண்பர்களுக்கு ஒருவேளை பயன்படலாம் .

அப்போது நான் திருச்சியில் வேலை பார்த்துக்கொண்டிருந்தேன் . ஒருநாள் ராத்திரி மொபைல் நூலகம் ஒன்று நான் தங்கியிருந்த ரூமிற்கு எதிரே நின்றுகொண்டிருந்தது. போய் விசாரித்தேன் . ” இது மெம்பர்களுக்கு மட்டும் தான் சார். நீங்க வேண்ணா போய் எங்க நூலகத்திலே கேளுங்கள் ” என்றார் அங்கிருந்தவர்.

அப்படித்தான் ” கார்முகில் ” வாடகை நூல் நிலையம் அறிமுகம் ஆனது. தமிழின் முக்கிய எழுத்தாளர்களை அங்கு தான் வாசித்தேன் . சும்மா சொல்லக்கூடாது. ரொம்ப அப்டேட்டான நூலகம் . அப்போ வெறும் 200 ரூபா தான் முன்தொகை . அந்த ரூபா மதிப்புக்குத்தான் புத்தகம் தருவோம் என்றும் சொன்னார்கள் . போகப்போக நமது வாசிப்பு ஆர்வத்தை பார்த்து விட்டு விரும்பிய புத்தகத்தை தந்தார்கள் . திருச்சியில் இருந்து கிளம்பிய பின்னர் நண்பர் ஒருவரிடம் , புத்தகம் எடுக்கும் உரிமையை கை மாற்றிவிட்டு வந்தேன்.

திருச்சி சென்ட்ரல் ரயில் நிலையத்திற்கு நேராக ஒரு ரோடு சென்ட்ரல் பஸ் ஸ்டாண்டை பாத்து போகுதில்லையா , அதுல ரயில் நிலையத்து ரவுண்டானாவிலிருந்து  இடது பக்கம் கொஞ்சம் தூரத்திலேயே இருக்கும். திருச்சிக்காரங்க போய் பயன்படுத்திக்கொள்ளுங்கள் .

*

ரெண்டு வாரத்திற்கு முந்தி , நொச்சூர் P .H . ரமணி அவர்கள் பாடுகிற பரதநாட்டிய அரங்கேற்றம் ஒன்றிற்கு போயிருந்தேன் . தானேவில் இருந்து பவார் நகர் போகும் வழியில் ஹிராநந்தினி மீடோசில் இருந்தது அந்தக்கலையரங்கம் ( Dr Kashinath Ghanekar Sabhagruha ) . தானேவின் பெருமைகளில் ஒன்று.

நிகழ்ச்சி வழக்கம் போல அருமை . P .H . ரமணி என்னை தன்னுடைய குடும்பத்தில் ஒருவனாக நினைப்பவர் . மும்பை வந்துதான் பழக்கம். தானேவில் செட்டில் ஆன பாலக்காட்டுக்காரர். எல்லா நிகழ்ச்சிக்கும் கூப்பிடுவார். மரபான சங்கீதம் மீதும் , அவர் மீதும் மரியாதை கொண்டவன் என்பதால் பெரும்பாலும் போக முயற்சி செய்வேன்.

நிகழ்ச்சிக்கு பின்னர் பஸ் ஏற நடந்து வரும் போது தான் இந்த கடை கண்ணில் பட்டது. Rent , Read , Return என்ற அதன் வாசகம் ஈர்க்கவே உள்ளே சென்றேன்.

அற்புதம். ஒரு தேர்ந்த ஷோரூம் போல இருந்தது கடை . நல்ல கலக்சன் . வாசிப்பை ஊக்குவிக்க அவர்கள் செய்யும் சேவை வியக்க வைக்கிறது.

தனித்தனி திட்டங்கள் உண்டு. நான் ஒரு புத்தகம் எடுக்கும் திட்டத்தை தேர்ந்தெடுத்தேன். 500 ரூபாய் முன்தொகை ( மூன்று மாதங்கள் கண்டிப்பாக திட்டத்தில் இருக்க வேண்டும், அதன் பின்னர் விலகினால் தொகை திரும்ப தரப்படும் ) . ஒருமுறை பதிவுக்கட்டணம் 250 , ஒருபுத்தகம் என்றால் மாதம் ரூபாய் 150 மட்டும் வாடகை .

என்னளவில் மிகச்சிறந்த திட்டம் . தாமதக்கட்டணம் , கெடுத்தேதி என்று எதுவும் கிடையாது. நிதானமாக படிக்கலாம் ( வாடகையை மட்டும் கட்டி வந்தால் போதும் ) .

அவர்கள் வலையை மேய்ந்த போது தமிழில் ஜெயமோகன் எழுதிய விஷ்ணுபுரம் இருப்பதை பார்த்தேன் . நான் அன்று நூலகத்தில் பார்த்த போது இல்லை , சும்மனாச்சுக்கும் புத்தகம் வந்தால் தெரியப்படுத்துங்கள் என்று வேண்டுகோள் வைத்துவிட்டு மறந்தும் விட்டேன். நேற்று போன் பண்ணி, “சார் நீங்க கேட்ட புத்தகம் வந்து விட்டது . தனியே எடுத்து வைத்திருக்கிறேன் , எப்போ வாறீங்க” என்றார். உடனே போய் வாங்கி வந்துவிட்டேன் .

9 நகரங்களில் கிளைகள் உண்டு.

பெங்களூரு தான் மெயின் ஆபிஸ் போல . ஏராளமான கிளைகள். நமது பெங்களூரு நண்பர்கள் முடிந்தால் ஒரு விசிட் அடித்துப்பாருங்களேன் .

சித்திரவீதிக்காரன்

மதுரைக்கும் தமிழுக்கும் நேர்ந்துவிடப்பட்டவர்களுள் ஒருவன்

வண்ணதாசன்

வண்ணதாசன் எனும் கல்யாண்ஜி, புதிதாக எழுத வருபவர்கள்..வண்ணதாசனை படிக்க வேண்டும்.. (சுஜாதா)

நாஞ்சில்நாடன்

நாஞ்சில்நாடனின் எழுத்துக்களும், நாஞ்சில்நாடனை குறித்த எழுத்துக்களும்.

சொல் புதிது!

கலைப்பெருக்கும் கவிப்பெருக்கும் மேவட்டும்!

மனம் போன போக்கில்

N. Chokkan (என். சொக்கன்)